“Tal-Irish” – Tradizzjoni u rabta
Il-Festa ta’ San Patrizju, li ilha tiġi ċċelebrata fil-Floriana mill-bidu tas-seklu 20. Din is-sena se tkun iċċelebrata nhar il-Ħadd 11 ta’ Marzu f’Balzunetta.
Il-bands ta’ din is-sena se jkunu: Planet Seed, Fakawi u Kevin Borg.
Din il-festa tal-qaddis prottetur tal-Irlanda għandha rabta speċjali ma dak kollu li huwa aħdar u kien fil-bidu tas-seklu 20 meta bdiet it-tradizzjoni li l-Furjanizi jissejjħu bħala tal-Irish. Dan hekk kif dak iż-żmien suldati Irandliżi kienu stazzjonati fiż-żona ta’ Balzunetta.
Fl-1905 imbagħad kienet intlagħbet logħba futbol bejn il-Klabb tal-Floriana u t-tim Irandiż. Dak iż-żmien it-tim ta’ Floriana FC kien jilgħab bil-kuluri aħdar u aħmar iżda wara dik il-logħba bdew jilgħabu bil-kuluri tal-irlanda, aħdar u abjad, hekk kif kien hemm skambju tal-flokkijiet wara l-partita. Aktar informazzjoni dwar it-tradizzjoni tul dan ix-xahar.
Din se tkun is-sitt edizzjoni li se tkun iċċelebrata St Patrick’s Day fil-Floriana b’attività mill-Kunsill Lokali.
Aktar dettalji fuq din l-attività ‘l quddiem.
